n. a. v. “Kleur kom nooit alleen nie”
antjie krog
skryf
die waarheid uit.
-die siel se slagaar loop diep-
die ondergrondse vrou sug
na die wortel van sin, lus
na die proe van kern, wete,
aarde, klip.
sy slyp haar tande stomp,
sluk die stukke stront
peristalsis deur die grond
ontlas tonnels vir die ander
ongeborenes en reën
ek en hoeveel ander
stom in onbegrip
wagtend op die groot gebed
wat hier kan red
sy vou haar mond om die trog
en drink die bitter met die suur
suip die donker met die gloed
mannin
begrawe vir ons sondes
beskrywer, boetebok
jou wit vrou vrese
verklap
my onbetaamde binnekant,
help my glo
daar is ‘n mens verby die vel
daar is ‘n siel
suiwerder as díe
daar is ‘n dieper wees
en soos jy sê:
“gees gewaar gees”
.gif){kind=small}
