die weer
is nou uiteindelik
na my sin:
betrokke,
somber,
kil.
Binnekort
gaan alles sterf.
Die lewe
woed onverbiddelik voort.
Ek wil uit
uit hierdie onbehoorlike lyf
uit hierdie onbehoorlike asem
uit hierdie ongenadiglike wete
dat niks
hier binne leef nie - dat al
die bloed en pyn en worstel
my net verder wegneem
van die oomblik toe jy nog werklik was
- toe dood
en lewe
één hartklop
van mekaar af was.