Hier is ek nou
daai middeljarige vrou
van my klein-krisis visioen
- met die verdomde voël op my rug -
toegebinde bek en al.
En ek, sot,
het hierna uitgesien.
Die koffie smaak toe bitterder as ooit,
en die illusie van styl
is net so papierdun
as my nekvelle
wat plek-plek hang en fyn
plooitjies maak
regardless van die knoppe
in die keel
en elders.
Posted 28 July 2006, www.annisnyman.co.za, author: Anni Snyman